ڕێکخراوی قوتابیان هەفتەی ساڵیاد ڕادەگەیەنێت

142 هەموو خوێنراوەکان, 1 خوێنراوی ڕۆژانە

زانكۆكورد – سلێمانى

له‌ساڵيادى ڕاگه‌ياندنيدا ڕێكخراوى قوتابيان (هه‌فته‌ى ساڵياد) ڕاده‌گه‌يه‌نێت و كۆمه‌ڵێك چالاكيى تێدا ئه‌نجامده‌دات.

لای خۆیەوەی ئاسۆ گەڵاڵی، بەرپرسی ڕۆشنبیریی و ڕاگەیاندنی ڕێکخراوی قوتابیانی کوردستان بەزانکۆکورد-ی ڕاگەیاند: ڕۆژی ۳/۱۱/۲۰۱۷ چواردەیەمین ساڵیادی ڕاگەیاندنی ڕێکخراوی قوتابیانەو لە دواکۆبوونەوەی دەستەی بەڕێوەبردنی سکرتاریەتیشدا بڕیارمانداوە هەفتەیەکی ساڵیاد ڕابگەیەنین.

وتیشی: لەو هەفتەیەدا کۆمەڵێک چالاکی و جوڵەی جۆری لەسەرتاسەری ناوەندو لقەکاندا ئەنجام دەدەین.

گه‌ڵاڵى باسی لەوەش کرد، پلانێکی تۆکمە دانراوە بۆئەوەی هەلی ساڵیاد بقۆزینەوە بۆ ئەنجامدانی کۆمەڵێک کاروچالاکی لەپێناو قوتابی و خوێندکارانی کوردستانداو نوێگەری لەکاری ڕێکخراوەییماندا.

ڕێکخراوی قوتابیانی کوردستان KSO، ڕێکخراوێکی مەدەنیی تایبەتە بەپرۆسەی پەروەردەو خوێندنی باڵاو لەساڵی ۲۰۰۳وە بەو ناوەی ئێستاوە بەردەوامە لەخزمەتکردن و، لەئێستادا حەوت بەشی سکرتاریەت و ۱۷ ناوەندو نزیکەی ۱٥۰ لقی هەیە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *